قلب داب وإتألم
ومن كتر الجرح معلم
وناس تجرح وناس تظلم
وهو صابر ولا بيتكلم
تدوس عليه أكتر وأكتر
وهو راضى ولا بيتعلم
يقول حبايبى وهما حياتى
وبكره يحسه بحزنى وآهاتى
نقوله فوق ياحلو يامسكين
ده ظالم قبلك قلوب تانين
يقول خلاص قلبى إتعود
على غدره وكدبه ليا سنين
يمكن فى يوم يرجع يحس
ويعرف إنى حبيبه وحياته
وأنا اللى ضحيت عشانه
ومش حيلاقى زى قلبى
مهما لف ودار وجاب
بلاد وعدى أسوار وبحار
مسيره يقدر إنتظارى ليه
بعد ما داب قلبى وإتعلم
وساعتها حقوله خلاص
أيوه خلاص قلبى إتعلم
ومش حيرجع تانى أبدا
لسنين وداع وعذاب وهجر
جرب يعيش لوحده وقدر
إتعذب كتير من الوحدة وصبر
لكنه ارتاح من كدبك وغدرك
لقى اللى يملى حياته حب
بس بعد الخوف ما استقر ذاته
حتى اللى ساعده مجروح وخايف
لكن ما يحس الإ اللى جرب
ومن القسوة والظلم إتغرب
ويعيش بقلب داب وإتألم
ومن كتر الجرح لازم يتعلم
ده نصيبنا حنعمل إيه؟
ده مكتوبنا حنهرب ليه؟
